الحاجة الحلوة: تجربتى مع انترفيو كيدزانيا

--- بوست منقول من الفيسبوك عن كيدزانيا ---

كل حاجة عاوز تعرفها عن KidZania Cairo موجودة في البوست دا، دي أكتر أسئلة بنتسألها من الناس برا كيدزانيا 👌
-ايه هي كيدزانيا؟

-الطفل بيعمل ايه جوا؟

-ازاي اشتغل هناك؟ و أصلا انا بعمل ايه هناك؟

خلينا نتفق الأول ان كيدزانيا مش ملاهي, ولا حضانة, ولا قناة علي التلفزيون. "القناة سارقة الاسم و مغيرة حرف"
و خلينا بردوا نتفق ان كيدزانيا لو كانت موجودة علي أيامنا كان زمان حاجات كتير أوي فينا بقت أحسن frown emoticon
كيدزانيا هي مدينة أصلا مكسيكة, اتعملت سنة 1999 و جت مصر 2013 و دلوقتي بقت في حوالي 28 دول, فكرتها ان الأطفال اتخنقوا من تحكم الكبار فا قرروا يعملوا مدينة ليهمgrin emoticon
للأطفال من 4 ل 14 سنة, و بتخلي الطفل يعيش نفس حياة الراجل الكبير😍 , يعني من الأخر Simulation للحياة بتاعتنا 😢
و بما انها مدينة فا ليها طبعاً
-نشيد وطني
-عملة خاصة بيها اسمها الKidZos زي الجنيه كدا
-مطار "اللي هو باب الدخول" و مكتب هجرة "باب الخروج"
-علم
-دستور, و بيمشي علينا كلنا والله grin emoticon
-لغة خاصة بيها " Kai بدل Hi , و Z.U بدل See you, و Zanks بدل Thanks"
-و ليها Dance ممكن تشوفوها علي ال Youtube

الطفل بيعمل ايه بقي جوة؟!الطفل بيدخل المدينة من باب الدخول اللي هو المطار, و علي فكرة دا جسم طيارة حقيقي , اه والله 😃
الباشا وصل بالسلامة لمطار المدينة بيستلم شيك ب 50 KidZo اللي هي فلوس المدينة , يدخل بقي الباشا يصرف الشيك دا من البنك و اللي هو ال CIB Egypt
بعد كدا يبدأ يشتغل و يشقي بقي grin emoticon
كيدزانيا فيها حوالي 100 شغلانة ممكن الطفل يشتغلها, يعني مثلا ممكن يدخل spinneys Super market يشتغل Cashier أو Merchandiser , ممكن يبقي دكتور أسنان أو ظابط مطافي أو حتي بيمسح إزاز مع Mr muscle
و مدام اشتغل يبقي لازم يقبض $ grin emoticon و طبعا هيقبض بالكيدزوز
طب هايعمل ايه بقي بالفلوس دي؟! هيطلع بقي علي المصانع يبدأ يصنع أكله , يعني لو نفسه في شوكولاتة يدخل مصنع Cadburry يصنعها بنفسه, أو مصنع Chipsy أو Coca-Cola
و في أخر اليوم ممكن يعمل حساب في البنك يشيل فيه باقي فلوسه عشان لما يرجع كيدزانيا تاني 👌

أهم جزأ بقي, ازاي نشتغل هناك؟! و بعمل ايه أصلا؟!انت بتكون واقف في Activity نفترض عيادة دكتور الأسنان فا كدا انت دكتور, الطفل يجيلك تعلمه حاجات بسيطة بتكون انت متدرب عليها و تعملوا عملية للتمثال الموجود, في يوم تاني ممكن تبقي ظابط , و كدا

دا الميل بتاعهم Careers@kidzania.com.eg ابعت عليه ال CV و صورة ليك, و أكتب في ال Subject "Zupervisor" اه اكتيها بال Z grin emoticon ماحنا اتفقنا ان لينا لغة بتاعتنا wink emoticon

الشركة بتوفرلك بدل مواصلات وأكل, و ال Shift بيكون 8 ساعات على حسب الموسم
أنا بقي هتاخد كام في الشفت فا دي بتاع ال HR يقولك عليها لما يتصلوا بيك عشان ال Interview.

___________________________________________________________